ದಿನಭವಿಷ್ಯ 4 days ago

Previous Next

ಗುರುವಾರದ ರಾಶಿ ಭವಿಷ್ಯ – 26 ಮಾರ್ಚ್ 2026

ಮೇಷ ರಾಶಿ ಭವಿಷ್ಯ: ಗುರುಸ್ವಾಮಿ ಅನುಗ್ರಹದಿಂದ ಶುಭ ಫಲಗಳು

ಮೇಷ ರಾಶಿಯವರಿಗೆ ಈ ಅವಧಿಯಲ್ಲಿ ಗುರುಸ್ವಾಮಿಯ ಅನುಗ್ರಹದಿಂದ ಆದಾಯದಲ್ಲಿ ಗಮನಾರ್ಹವಾದ ಹೆಚ್ಚಳ ಕಾಣಿಸಿಕೊಳ್ಳಲಿದೆ. ಸ್ಥಿರಾಸ್ತಿ ಖರೀದಿಸಲು ಅನುಕೂಲಕರ ಯೋಗಗಳು ನಿರ್ಮಾಣವಾಗಿದ್ದು, ಮನೆ ಅಥವಾ ಜಮೀನು ಖರೀದಿಸುವ ಯೋಚನೆಗಳು ಯಶಸ್ವಿಯಾಗುವ ಸಾಧ್ಯತೆ ಇದೆ. ಸರ್ಕಾರಿ ಕೆಲಸಗಳು ನಿಧಾನಗತಿಯಲ್ಲಿ ನಡೆದರೂ ಕೊನೆಗೆ ಯಶಸ್ಸನ್ನು ತಲುಪುತ್ತವೆ. ಉದ್ಯೋಗಕ್ಕಾಗಿ ಪ್ರಯತ್ನಿಸುತ್ತಿರುವವರಿಗೆ ಉತ್ತಮ ಅವಕಾಶಗಳು ದೊರೆಯಲಿದ್ದು, ಶತ್ರುಗಳು ಕೂಡ ನಿಮ್ಮ ಮುಂದೆ ಶರಣಾಗುವ ಪರಿಸ್ಥಿತಿ ಉಂಟಾಗುತ್ತದೆ. ಹೈನುಗಾರಿಕೆಯಲ್ಲಿ ತೊಡಗಿರುವವರು ಹೆಚ್ಚಿನ ಲಾಭವನ್ನು ಗಳಿಸುವ ಸಾಧ್ಯತೆ ಇದೆ. ಸಂಗಾತಿಯಿಂದ ಆರ್ಥಿಕ ಸಹಾಯ ಸಿಗುವುದರಿಂದ ಕುಟುಂಬ ಜೀವನ ಸುಖಕರವಾಗಿರುತ್ತದೆ. ಆಭರಣ ವ್ಯಾಪಾರಿಗಳಿಗೆ ಹೊಸ ಅಂಗಡಿ ಪ್ರಾರಂಭಿಸುವ ಯೋಚನೆ ಮೂಡಬಹುದು. ಪಿತ್ರಾರ್ಜಿತ ಆಸ್ತಿ ಸ್ವಲ್ಪ ವಿಳಂಬದಿಂದ ಲಭಿಸುವುದರಿಂದ ತಾಳ್ಮೆ ಇರಲು ಸಲಹೆ ನೀಡಲಾಗಿದೆ. ವೃತ್ತಿ ಕ್ಷೇತ್ರದಲ್ಲಿ ಧನಲಾಭ ಇದ್ದರೂ ಗ್ರಾಹಕರೊಂದಿಗೆ ಸಂಘರ್ಷವನ್ನು ತಪ್ಪಿಸುವುದು ಉತ್ತಮ. ಅವಿವಾಹಿತರಿಗೆ ಮದುವೆ ಯೋಗಗಳು ಕಂಡುಬರುತ್ತಿದ್ದು, ರೈತರ ಮಕ್ಕಳಿಗೆ ಉತ್ತಮ ಮದುವೆ ಸಂಬಂಧಗಳು ಸಿಗುವ ಸಾಧ್ಯತೆ ಇದೆ. ಟೆಕ್ನಿಷಿಯನ್ ವೃತ್ತಿಯಲ್ಲಿ ಇರುವವರಿಗೆ ಹೆಚ್ಚಿನ ಬೇಡಿಕೆ ಇದ್ದು, ವಿದೇಶ ಪ್ರಯಾಣದ ಅವಕಾಶವೂ ದೊರೆಯಬಹುದು. ಆರೋಗ್ಯ ಇಲಾಖೆಯಲ್ಲಿ ಕೆಲಸ ಮಾಡುವವರಿಗೆ ಖಾಯಂ ನೇಮಕಾತಿ ಸಾಧ್ಯತೆ ಇದೆ. ಉಪನ್ಯಾಸಕರಿಗೆ ಆಡಳಿತ ಮಂಡಳಿಯಿಂದ ಸಂತಸದ ಸುದ್ದಿ ಬರಬಹುದು. ಬೋಧನಾ ಪದವಿ ಹೊಂದಿದವರಿಗೆ ಸರ್ಕಾರಿ ಉದ್ಯೋಗ ಸಿಗುವ ಸಾಧ್ಯತೆ ಇದೆ. ರಾಜಕಾರಣಿಗಳಿಗೆ ಉನ್ನತ ಸ್ಥಾನಮಾನ ಸಿಗುವ ಯೋಗವಿದ್ದು, ಹಿತೈಷಿಗಳ ಬಗ್ಗೆ ಜಾಗರೂಕರಾಗಿರುವುದು ಉತ್ತಮ.

ವೃಷಭ ರಾಶಿ ಭವಿಷ್ಯ: ಖರ್ಚಿನ ಒತ್ತಡ, ಜಾಗ್ರತೆ ಅಗತ್ಯ

ವೃಷಭ ರಾಶಿಯವರಿಗೆ ಈ ಅವಧಿಯಲ್ಲಿ ಆದಾಯಕ್ಕಿಂತ ಖರ್ಚು ಹೆಚ್ಚಾಗುವ ಸಾಧ್ಯತೆ ಇದೆ. ಆದ್ದರಿಂದ ಹಣಕಾಸಿನ ವಿಷಯದಲ್ಲಿ ಎಚ್ಚರಿಕೆ ವಹಿಸುವುದು ಅತ್ಯವಶ್ಯಕ. ಆರೋಗ್ಯದ ಕಡೆ ನಿರ್ಲಕ್ಷ್ಯ ತೋರಬಾರದು, ಏಕೆಂದರೆ ಅನಿರೀಕ್ಷಿತ ಶಸ್ತ್ರಚಿಕಿತ್ಸೆಯ ಸಾಧ್ಯತೆ ಕಂಡುಬರುತ್ತಿದೆ. ದಂಪತಿಗಳ ಜೀವನದಲ್ಲಿ ಸುಖಕ್ಕಿಂತ ಸ್ವಲ್ಪ ಹೆಚ್ಚು ಸವಾಲುಗಳು ಎದುರಾಗಬಹುದು. ಮೂರನೇ ವ್ಯಕ್ತಿಯ ಹಸ್ತಕ್ಷೇಪದಿಂದ ಸಂಸಾರದಲ್ಲಿ ಅಸಮಾಧಾನ ಉಂಟಾಗುವ ಸಾಧ್ಯತೆ ಇರುವುದರಿಂದ ಜಾಗ್ರತೆ ಅಗತ್ಯ. ನವದಂಪತಿಗಳು ಅಪನಂಬಿಕೆಯಿಂದ ಕಲಹಕ್ಕೆ ಒಳಗಾಗುವ ಸಾಧ್ಯತೆ ಇದೆ. ವೃತ್ತಿ ಕ್ಷೇತ್ರದಲ್ಲಿ ನಿಧಾನವಾಗಿ ಆರ್ಥಿಕ ಚೇತರಿಕೆ ಕಂಡುಬರುತ್ತದೆ. ಷೇರು ಮಾರುಕಟ್ಟೆಯಲ್ಲಿ ದೊಡ್ಡ ಮಟ್ಟದ ಹೂಡಿಕೆ ಮಾಡುವುದನ್ನು ತಪ್ಪಿಸುವುದು ಒಳಿತು, ಆದರೆ ಭೂ ವ್ಯವಹಾರಗಳಲ್ಲಿ ಹೂಡಿಕೆ ಮಾಡಿದರೆ ಲಾಭದ ಸೂಚನೆಗಳಿವೆ. ಹಿಂದೆ ಮಾಡಿದ ಹೂಡಿಕೆಗಳಿಂದ ಈಗ ಲಾಭ ಸಿಗುವ ಸಾಧ್ಯತೆ ಇದೆ. ಪತ್ನಿ ನಡೆಸುತ್ತಿರುವ ವ್ಯವಹಾರದಲ್ಲಿ ಆದಾಯ ಹೆಚ್ಚಳ ಕಾಣಬಹುದು. ಆಸ್ತಿ ಸಂಬಂಧಿತ ಕಲಹಗಳು ಅಂತ್ಯಗೊಳ್ಳುವ ಲಕ್ಷಣಗಳು ಕಂಡುಬರುತ್ತಿದ್ದು, ಕೋರ್ಟ್ ಕಚೇರಿಗಳಲ್ಲಿ ಜಯದ ದಾರಿ ಸುಗಮವಾಗುತ್ತದೆ. ಸಂಶೋಧಕರಿಗೆ ಇದು ಪ್ರಗತಿಯ ಕಾಲವಾಗಿದ್ದು, ಸಾಹಸ ಕ್ರೀಡಾಪಟುಗಳಿಗೆ ತಮ್ಮ ಪ್ರತಿಭೆ ತೋರಿಸಲು ಉತ್ತಮ ವೇದಿಕೆ ದೊರೆಯುತ್ತದೆ. ಹೋಟೆಲ್ ಉದ್ಯಮ ಪ್ರಾರಂಭಿಸಲು ಇದು ಶುಭ ಕಾಲ. ವಾಹನ ಚಾಲನೆ ಮಾಡುವಾಗ ಹೆಚ್ಚು ಜಾಗ್ರತೆ ವಹಿಸಬೇಕು. ಕಳ್ಳತನದ ಸಮಸ್ಯೆಗಳು ಹೆಚ್ಚಾಗುವ ಸಾಧ್ಯತೆ ಇರುವುದರಿಂದ ಭದ್ರತೆ ಕಡೆ ಗಮನ ಕೊಡಿ. ಕೃಷಿಕರು ಹಣ್ಣು ಮತ್ತು ತರಕಾರಿಗಳನ್ನು ಬೆಳೆಯುವುದರಿಂದ ಉತ್ತಮ ಧನಲಾಭ ಪಡೆಯುವ ಸಾಧ್ಯತೆ ಇದೆ.

ಮಿಥುನ ರಾಶಿ ಭವಿಷ್ಯ: ಆದಾಯ ಇದ್ದರೂ ಜಾಗ್ರತೆ ಅಗತ್ಯ

ಮಿಥುನ ರಾಶಿಯವರಿಗೆ ಈ ಅವಧಿಯಲ್ಲಿ ಆದಾಯ ಉತ್ತಮವಾಗಿದ್ದರೂ ಖರ್ಚುಗಳು ಹೆಚ್ಚಾಗುವ ಸಾಧ್ಯತೆ ಇದೆ. ಹಣಕಾಸಿನ ನಿಯಂತ್ರಣ ಅತ್ಯಂತ ಮುಖ್ಯ. ಆರೋಗ್ಯದ ವಿಷಯದಲ್ಲಿ ಮೇಲಿಂದ ಮೇಲೆ ಸಮಸ್ಯೆಗಳು ಕಾಡುವ ಸಂಭವ ಇರುವುದರಿಂದ ವೈದ್ಯಕೀಯ ಗಮನ ಅಗತ್ಯ. nಪರಸ್ಪರ ಪ್ರೀತಿಯಿಂದ ಮದುವೆಯಾದ ದಂಪತಿಗಳಿಗೆ ಸುಖಕ್ಕಿಂತ ಸ್ವಲ್ಪ ಹೆಚ್ಚು ಸವಾಲುಗಳು ಎದುರಾಗಬಹುದು. ಆಸ್ತಿ ವಿಷಯದಲ್ಲಿ ಹಿರಿಯರ ಜೊತೆ ಕಲಹ ತಪ್ಪಿಸುವುದು ಉತ್ತಮ, ಇಲ್ಲವಾದರೆ ಅದು ನಿಮಗೆ ಹಾನಿಕಾರಕವಾಗಬಹುದು. ಕುಟುಂಬದಲ್ಲಿ ಮಗು ಜನನದ ಶುಭ ಸುದ್ದಿ ಸಂತೋಷ ತರಲಿದೆ. ಕೆಲಸದ ಸ್ಥಳದಲ್ಲಿ ಧನ ಲಾಭದ ಸೂಚನೆಗಳಿದ್ದು, ವೃತ್ತಿ ಕ್ಷೇತ್ರದಲ್ಲಿ ಬೆಳವಣಿಗೆ ಕಂಡುಬರುತ್ತದೆ. ಉನ್ನತ ವಿದ್ಯಾಭ್ಯಾಸಕ್ಕಾಗಿ ವಿದೇಶ ಪ್ರಯಾಣದ ಅವಕಾಶಗಳು ಲಭ್ಯವಾಗಬಹುದು. ನಿಮ್ಮ ಜೇಷ್ಠತೆ ಆಧಾರದಲ್ಲಿ ತಾತ್ಕಾಲಿಕ ಉದ್ಯೋಗಿಗಳಿಗೆ ಖಾಯಂ ಉದ್ಯೋಗ ಸಿಗುವ ಸುವರ್ಣ ಅವಕಾಶ ಎದುರಾಗಬಹುದು. ಮದುವೆ ಯೋಗಗಳು ಕೂಡ ನಿರ್ಮಾಣವಾಗುತ್ತಿವೆ. ದೀರ್ಘಕಾಲದ ಕಾಯಿಲೆಯಿಂದ ಬಳಲುತ್ತಿದ್ದವರಿಗೆ ಗುಣಮುಖವಾಗುವ ಲಕ್ಷಣಗಳು ಕಾಣಿಸುತ್ತವೆ. ಅನಿರೀಕ್ಷಿತ ಧನ ಲಾಭವೂ ಸಿಗಬಹುದು. ಉದ್ಯಮದಾರರು ಆರ್ಥಿಕ ಸಂಕಷ್ಟದಿಂದ ಹೊರಬರುವ ಸಾಧ್ಯತೆ ಇದೆ. ವಕೀಲ ವೃತ್ತಿಯವರಿಗೆ ಹೆಚ್ಚಿನ ಪ್ರಗತಿ ದೊರೆಯಲಿದೆ. ಸಾಲಗಳಿಂದ ಮುಕ್ತಿ ಪಡೆಯುವ ಸಮಯ ಸಮೀಪಿಸುತ್ತಿದೆ. ಹೊಸ ವಾಹನ ಖರೀದಿ ಯೋಗವಿದ್ದು, ಈಗಾಗಲೇ ಕಟ್ಟಿರುವ ಮನೆ ಖರೀದಿಯಿಂದ ಸಂತೋಷ ಸಿಗಲಿದೆ. ಗುತ್ತಿಗೆದಾರರಿಗೆ ಸರ್ಕಾರದಿಂದ ಬಾಕಿ ಹಣ ಮರುಪಾವತಿ ಆಗುವ ಸಾಧ್ಯತೆ ಇದೆ. ಕಲಾವಿದರಿಗೆ ಉತ್ತಮ ಅವಕಾಶಗಳು ದೊರೆಯುತ್ತವೆ. ಪ್ರೇಮಿಗಳಿಗೆ ಕಿರು ಪ್ರವಾಸ ಸಾಧ್ಯವಾಗುತ್ತದೆ. ಆದರೆ ಸದ್ಯಕ್ಕೆ ದೊಡ್ಡ ಮಟ್ಟದ ಹೂಡಿಕೆ ಮಾಡುವುದನ್ನು ತಪ್ಪಿಸುವುದು ಉತ್ತಮ.

ಕರ್ಕಾಟಕ ರಾಶಿ ಭವಿಷ್ಯ: ಸಮತೋಲನದ ನಡುವೆಯೂ ಪ್ರಗತಿಯ ಕಾಲ

ಕರ್ಕಾಟಕ ರಾಶಿಯವರಿಗೆ ಈ ಅವಧಿಯಲ್ಲಿ ಆದಾಯ ಮತ್ತು ಖರ್ಚುಗಳಲ್ಲಿ ಮಿಶ್ರ ಸ್ಥಿತಿ ಕಂಡುಬರುತ್ತದೆ. ಆದಾಯ ಹದಿನಾಲ್ಕರಲ್ಲಿ ಇದ್ದರೆ ವ್ಯಯ ಎಂಟರಷ್ಟಾಗುವ ಸೂಚನೆ ಇದೆ. ಆರೋಗ್ಯದ ವಿಚಾರದಲ್ಲಿ ಸ್ವಲ್ಪ ಜಾಗ್ರತೆ ಅಗತ್ಯ, ಕೆಲವೊಮ್ಮೆ ಅನಾರೋಗ್ಯ ಕಾಡಬಹುದು. ಸುಖ–ದುಃಖಗಳು ಸಮಬಲದಲ್ಲಿ ಇರುವ ಕಾಲ ಇದು. ಉದ್ಯೋಗ ಕ್ಷೇತ್ರದಲ್ಲಿ ಆರ್ಥಿಕ ಮುನ್ನಡೆ ಸಾಧಿಸುವಿರಿ. ಬಹುಕಾಲದಿಂದ ಕಾಡುತ್ತಿದ್ದ ಸಾಲದಿಂದ ಶೀಘ್ರದಲ್ಲೇ ಮುಕ್ತಿ ಹೊಂದುವ ಸಾಧ್ಯತೆ ಇದೆ. ಭೂ ವ್ಯವಹಾರ ಮಾಡುವವರಿಗೆ ಉತ್ತಮ ಕಾಲವಾಗಿದ್ದು, ಕಮಿಷನ್ ಮೂಲಕ ಉತ್ತಮ ಆದಾಯ ಲಭಿಸುತ್ತದೆ. ವಿದೇಶದಿಂದ ಧನಾಗಮನ ಸಾಧ್ಯವಾಗಿದ್ದು, ವಿದೇಶಿ ವ್ಯವಹಾರಗಳಲ್ಲಿ ಅಭಿವೃದ್ಧಿ ಕಾಣಬಹುದು. ಮನೆಯಲ್ಲಿ ತಯಾರಿಸಿದ ಆಹಾರ ಪದಾರ್ಥಗಳ ವ್ಯವಹಾರ ಮಾಡುವವರಿಗೆ ಇದು ಶುಭ ಕಾಲ; ಆರ್ಥಿಕ ಚೇತರಿಕೆ ಕಂಡುಬರುತ್ತದೆ ಮತ್ತು ಸ್ವಾವಲಂಬನೆಯ ಬದುಕಿನತ್ತ ಸಾಗುವಿರಿ. ಉದ್ಯಮಿಗಳು ಸಂಕಷ್ಟದಿಂದ ಪಾರಾಗಿ ಆರ್ಥಿಕ ಸ್ಥಿರತೆ ಪಡೆಯಲಿದ್ದಾರೆ. ನೀರು ಸರಬರಾಜು ಹಾಗೂ ತಂಪು ಪಾನೀಯ ತಯಾರಿಸುವವರಿಗೆ ಲಾಭದಾಯಕ ಸಮಯ. ನಿರುದ್ಯೋಗಿಗಳಿಗೆ ಉದ್ಯೋಗ ಅವಕಾಶಗಳು ಲಭ್ಯವಾಗಲಿದ್ದು, ಕೆಲವರು ಉದ್ಯೋಗ ಬದಲಾವಣೆ ಬಗ್ಗೆ ಚಿಂತನೆ ಮಾಡಬಹುದು. ತಂತ್ರಜ್ಞಾನ ಪದವಿ ಹೊಂದಿದವರಿಗೆ ಪ್ರತಿಷ್ಠಿತ ಕಂಪನಿಗಳಲ್ಲಿ ಉದ್ಯೋಗ ಸಿಗುವ ಸಾಧ್ಯತೆ ಇದೆ. ಲೇವಾದೇವಿದಾರರು ಬಾಕಿ ಹಣ ವಸೂಲಿ ಮಾಡುವಾಗ ಕಲಹಗಳು ಉಂಟಾಗಬಹುದು, ಆದ್ದರಿಂದ ಶಾಂತದಿಂದ ನಡೆದುಕೊಳ್ಳುವುದು ಒಳಿತು. ಹೂಡಿಕೆದಾರರು ಪ್ರಮುಖ ಒಪ್ಪಂದಗಳನ್ನು ಕೈಗೊಳ್ಳುವರು. ಕುಟುಂಬದಲ್ಲಿ ಮಕ್ಕಳಿಂದ ಸಣ್ಣಪುಟ್ಟ ಕಲಹಗಳು ಸಂಭವಿಸಬಹುದು. ಮದುವೆ ವಿಳಂಬದಿಂದ ಕೆಲವರಿಗೆ ಬೇಸರ ಉಂಟಾಗುವ ಸಾಧ್ಯತೆ ಇದೆ. ಆದರೂ ತಾಳ್ಮೆ ಮತ್ತು ಸಮತೋಲನದಿಂದ ನಡೆದುಕೊಂಡರೆ ಉತ್ತಮ ಫಲಗಳು ದೊರೆಯುತ್ತವೆ.

ಸಿಂಹ ರಾಶಿ ಭವಿಷ್ಯ: ಗುರು ಅನುಗ್ರಹದಿಂದ ಯಶಸ್ಸಿನ ಹಾದಿ

ಸಿಂಹ ರಾಶಿಯವರಿಗೆ ಈ ಅವಧಿಯಲ್ಲಿ ಆದಾಯ ಮತ್ತು ವ್ಯಯ ಸಮ ಪ್ರಮಾಣದಲ್ಲಿ ಸಾಗಿದರೂ, ಗುರುವಿನ ಅನುಗ್ರಹದಿಂದ ಉತ್ತಮ ಫಲಿತಾಂಶಗಳು ದೊರೆಯಲಿವೆ. ನೀವು ಕೈಗೊಂಡ ಕೆಲಸಗಳು ಯಶಸ್ಸಿನ ದಾರಿಯಲ್ಲಿ ಸಾಗುತ್ತವೆ. ದಂಪತಿಗಳ ನಡುವೆ ಇದ್ದ ವಿರಹ ಅಂತ್ಯಗೊಂಡು ಮತ್ತೆ ಒಂದಾಗಿ ಜೀವನ ಸಾಗಿಸುವ ಸಂದರ್ಭ ಬರುತ್ತದೆ. ಪ್ರೇಮಿಗಳು ಕೂಡ ಸಂಧಾನದ ಮೂಲಕ ಮತ್ತೆ ಒಂದಾಗಿ ಮದುವೆಯ ಕಡೆ ಹೆಜ್ಜೆ ಇಡುವರು. ಹಣದ ಆದಾಯ ಉತ್ತಮವಾಗಿದ್ದು, ಬಂಧು-ಮಿತ್ರರಿಂದ ಧನಸಹಾಯ ಕೂಡ ಸಿಗುತ್ತದೆ. ಜನಪ್ರತಿನಿಧಿಗಳಿಗೆ ಇದು ಅತ್ಯುತ್ತಮ ಕಾಲವಾಗಿದ್ದು, ಉನ್ನತ ಸ್ಥಾನಮಾನ ಅಥವಾ ಪದವಿ ಸಿಗುವ ಸಾಧ್ಯತೆ ಇದೆ. ಮನೆ ನಿರ್ಮಾಣದ ನಂತರ ಮದುವೆ ಯೋಗ ಕೂಡ ಕೂಡಿ ಬರಲಿದೆ. ವಾಹನ ಖರೀದಿಸುವ ಯೋಚನೆಗಳು ಮುಂದುವರಿಯಬಹುದು. ನ್ಯಾಯಾಲಯ ಸಂಬಂಧಿತ ಕೆಲಸಗಳಲ್ಲಿ ಸ್ವಲ್ಪ ಅಡೆತಡೆಗಳು ಕಂಡುಬರುವ ಸಾಧ್ಯತೆ ಇದೆ. ಹಣಕಾಸು ವ್ಯವಹಾರಗಳಲ್ಲಿ ಮಧ್ಯಸ್ಥಿಕೆ ವಹಿಸುವಾಗ ಅಥವಾ ಜಾಮೀನು ನೀಡುವಾಗ ಎಚ್ಚರಿಕೆ ಅಗತ್ಯ, ಇಲ್ಲವಾದರೆ ಮಾನಸಿಕ ಒತ್ತಡ ಎದುರಾಗಬಹುದು. ಉದ್ಯೋಗ ಕ್ಷೇತ್ರದಲ್ಲಿ ಸಹೋದ್ಯೋಗಿಗಳಿಂದ ಕಿರಿಕಿರಿ ಉಂಟಾಗುವ ಸಾಧ್ಯತೆ ಇರುವುದರಿಂದ ಶಾಂತದಿಂದ ಸಮಸ್ಯೆಗಳನ್ನು ಎದುರಿಸುವುದು ಉತ್ತಮ. ಕರ್ತವ್ಯದಲ್ಲಿ ಅಜಾಗ್ರತೆ ತೋರಬಾರದು. ಹೋಟೆಲ್, ತಂಪು ಪಾನೀಯ, ಕಾಂಡಿಮೆಂಟ್ಸ್, ಬೇಕರಿ ಮತ್ತು ಸ್ವೀಟ್ ಮಾರ್ಟ್ ವ್ಯವಹಾರಸ್ಥರಿಗೆ ಭಾರಿ ಲಾಭದಾಯಕ ಕಾಲ. ಸಂಶೋಧಕರು ತಮ್ಮ ಸಾಮರ್ಥ್ಯ ತೋರಿಸಿ ಉನ್ನತ ಪದವಿಯನ್ನು ಪಡೆಯುವ ಅವಕಾಶವಿದೆ. ನಿರಂತರ ಪರಿಶ್ರಮದಿಂದ ಖಾಯಂ ಉದ್ಯೋಗ ದೊರೆಯಬಹುದು. ಹೊಸದಾಗಿ ರಾಜಕೀಯ ಪ್ರವೇಶ ಬಯಸುವವರಿಗೆ ಇದು ಅನುಕೂಲಕರ ಸಮಯವಾಗಿದ್ದು, ಉತ್ತಮ ಅವಕಾಶಗಳು ದೊರೆಯಲಿವೆ.

ಕನ್ಯಾ ರಾಶಿ ಭವಿಷ್ಯ: ಆದಾಯದ ಬೆಳವಣಿಗೆ, ಜಾಗ್ರತೆ ಅಗತ್ಯ

ಕನ್ಯಾ ರಾಶಿಯವರಿಗೆ ಈ ಅವಧಿಯಲ್ಲಿ ವ್ಯಯಕ್ಕಿಂತ ಆದಾಯ ಉತ್ತಮವಾಗಿರುವ ಸೂಚನೆ ಇದೆ. ಆದಾಗ್ಯೂ, ಅನಾವಶ್ಯಕ ಖರ್ಚುಗಳಿಗೆ ಕಡಿವಾಣ ಹಾಕುವುದು ಅತ್ಯಂತ ಮುಖ್ಯ. ಆರೋಗ್ಯದ ಸ್ಥಿತಿ ಮಧ್ಯಮವಾಗಿದ್ದು, ನಿರ್ಲಕ್ಷ್ಯ ತೋರದೆ ಕಾಳಜಿ ವಹಿಸುವುದು ಒಳಿತು. ಸಮಾಜದಲ್ಲಿ ಕೆಲವೊಮ್ಮೆ ಅಗೌರವ ಎದುರಾಗುವ ಸಾಧ್ಯತೆ ಇರುವುದರಿಂದ ನಿಮ್ಮ ನಡೆನುಡಿಯಲ್ಲಿ ಎಚ್ಚರಿಕೆ ಇರಲಿ. ದಂಪತಿಗಳ ಜೀವನದಲ್ಲಿ ಸುಖ ಹೆಚ್ಚು, ದುಃಖ ಕಡಿಮೆ ಇರುವ ಸಮತೋಲನದ ಪರಿಸ್ಥಿತಿ ಕಂಡುಬರುತ್ತದೆ. ಪ್ರತಿ ಕ್ಷೇತ್ರದಲ್ಲೂ ಉತ್ತಮ ಸಂಪಾದನೆ ಯೋಗವಿದ್ದು, ಹಿರಿಯರಿಂದ ಆಸ್ತಿ ಸಂಬಂಧಿತ ಅನುಮೋದನೆ ಅಥವಾ ಸಹಕಾರ ದೊರೆಯಬಹುದು. ನೀವು ಕೂಡಿಟ್ಟಿರುವ ಹಣವನ್ನು ಇಂದು ಲೆಕ್ಕಾಚಾರ ಮಾಡಿ, ಅದನ್ನು ಸರಿಯಾದ ಕಾರ್ಯಗಳಿಗೆ ಬಳಸಿಕೊಳ್ಳುವುದು ಉತ್ತಮ. ಉದ್ಯೋಗದಲ್ಲಿ ಹಳೆಯ ತೊಂದರೆಗಳು ನಿವಾರಣೆಯಾಗುತ್ತವೆ. ಉದ್ಯೋಗಕ್ಕಾಗಿ ಅಲೆದಾಡುತ್ತಿರುವವರಿಗೆ ಉತ್ತಮ ಅವಕಾಶ ಸಿಗಲಿದೆ ಮತ್ತು ಮುನ್ನಡೆ ಸಾಧಿಸುವಿರಿ. ಕೃಷಿ ಭೂಮಿ ಅಥವಾ ನಿವೇಶನ ಖರೀದಿಸಲು ಇದು ಶುಭ ಕಾಲ. ವ್ಯಾಪಾರ ವ್ಯವಹಾರಗಳನ್ನು ಇತರರ ಕೈಗೆ ಒಪ್ಪಿಸದೇ ನೀವು ಸ್ವತಃ ನೋಡಿಕೊಳ್ಳುವುದು ಒಳಿತು. ಆಸ್ತಿ ಸಂಬಂಧಿತ ಕಲಹಗಳಿಂದ ಮುಕ್ತಿ ದೊರೆಯುವ ಸೂಚನೆಗಳಿವೆ. ಕನ್ನಡಕ, ವಸ್ತ್ರ ಹಾಗೂ ಗಾರ್ಮೆಂಟ್ಸ್ ವ್ಯಾಪಾರಿಗಳಿಗೆ ಉತ್ತಮ ಆದಾಯ ಸಿಗಲಿದೆ. ಆದರೆ ಪ್ರೇಮ ಸಂಬಂಧಗಳಲ್ಲಿ ಮೋಸ ಸಂಭವಿಸುವ ಸಾಧ್ಯತೆ ಇದ್ದು, ನಂತರ ಪಶ್ಚಾತ್ತಾಪ ಎದುರಾಗಬಹುದು. ಆದ್ದರಿಂದ ಸಂಬಂಧಗಳಲ್ಲಿ ಎಚ್ಚರಿಕೆ ಅಗತ್ಯ.

ತುಲಾ ರಾಶಿ ಭವಿಷ್ಯ: ಗುರುಬಲದಿಂದ ಪ್ರಗತಿ ಮತ್ತು ಸಮತೋಲನ

ತುಲಾ ರಾಶಿಯವರಿಗೆ ಈ ಅವಧಿಯಲ್ಲಿ ಆದಾಯ 11ರಷ್ಟಿದ್ದರೆ ವ್ಯಯ ಸುಮಾರು 5ರಷ್ಟಿರಲಿದೆ, ಅಂದರೆ ಹಣಕಾಸಿನ ಸ್ಥಿತಿ ಉತ್ತಮವಾಗಿರುತ್ತದೆ. ಆರೋಗ್ಯದಲ್ಲಿಯೂ ಚೇತರಿಕೆ ಕಂಡುಬರುತ್ತದೆ. ಗುರುಬಲ ಇರುವುದರಿಂದ ಮದುವೆ ಯೋಚನೆ ಮಾಡುವವರಿಗೆ ಶುಭ ಕಾಲ. ಹೊಸ ಉದ್ಯಮ ಪ್ರಾರಂಭಿಸಲು ಇದು ಅನುಕೂಲಕರ ಸಮಯ. ದೀರ್ಘಕಾಲದಿಂದ ಕಾಡುತ್ತಿದ್ದ ಕಾಯಿಲೆಗಳು ನಿವಾರಣೆಯಾಗುವ ಸೂಚನೆಗಳಿವೆ. ಆಸ್ತಿ ವಿಷಯಗಳಲ್ಲಿ ಹೆಚ್ಚು ಮಾತುಕತೆ ಮಾಡದೇ ಕುಟುಂಬದಲ್ಲಿ ಹೊಂದಾಣಿಕೆಯಿಂದ ನಡೆದುಕೊಳ್ಳುವುದು ಒಳಿತು. ಹಿಂದೆ ನಿಂತಿದ್ದ ಕೆಲಸಗಳು ಮತ್ತೆ ಪ್ರಾರಂಭವಾಗುತ್ತವೆ. ಉತ್ತಮ ಆದಾಯದಿಂದ ಮನಸ್ಸು ಸಂತೋಷದಿಂದ ತುಂಬಿರುತ್ತದೆ. ವ್ಯಾಪಾರದಲ್ಲಿ ಶತ್ರುಗಳನ್ನು ನಿಯಂತ್ರಣದಲ್ಲಿಡುವುದು ಅಗತ್ಯ. ಗುತ್ತಿಗೆದಾರರು ಹೊಸ ಯೋಜನೆಗಳನ್ನು ಕೈಗೆತ್ತಿಕೊಳ್ಳಲು ಇದು ಉತ್ತಮ ಕಾಲ. ಕೃಷಿಕರು ವಾಣಿಜ್ಯ ಬೆಳೆಗಳನ್ನು ಬೆಳೆಯುವುದರಿಂದ ಉತ್ತಮ ಧನ ಲಾಭ ಪಡೆಯುವರು. ಅಡಿಕೆ, ತೆಂಗು, ಮೆಣಸು ವ್ಯಾಪಾರಿಗಳಿಗೆ ಭಾರೀ ಲಾಭದ ಸೂಚನೆಗಳಿವೆ. ವಾಣಿಜ್ಯ ಮಳಿಗೆ ಖರೀದಿ ಯೋಗ ಕೂಡ ಇದೆ. ಸರಕಾರಿ ಉದ್ಯೋಗ ಪಡೆಯುವ ಸಾಧ್ಯತೆ ಇದೆ. ಕೆಲವೊಮ್ಮೆ ಅನಾವಶ್ಯಕವಾಗಿ ಅಪವಾದಗಳು ಎದುರಾಗುವ ಸಾಧ್ಯತೆ ಇರುವುದರಿಂದ ಎಚ್ಚರಿಕೆ ಅಗತ್ಯ. ಕುಟುಂಬದಲ್ಲಿನ ಸಣ್ಣ ಸಮಸ್ಯೆಗಳನ್ನು ಹೊರಗೆ ತೆಗೆದುಕೊಂಡು ಹೋಗದೆ ಸ್ವತಃ ಬಗೆಹರಿಸುವುದು ಉತ್ತಮ. ನಿರಂತರ ಸೇವೆಯಿಂದ ರಾಜಕೀಯ ಕ್ಷೇತ್ರದಲ್ಲಿ ಉನ್ನತ ಸ್ಥಾನಮಾನ ಸಿಗುವ ಸಾಧ್ಯತೆ ಇದೆ. ಹೊಸದಾಗಿ ರಾಜಕೀಯ ಪ್ರವೇಶಿಸುವವರಿಗೆ ಉತ್ತಮ ಅವಕಾಶಗಳು ದೊರೆಯುತ್ತವೆ. ಸಮಾಜ ಸೇವೆಗೆ ಅವಕಾಶಗಳು ಲಭ್ಯವಾಗುತ್ತವೆ. ಪಾಲುದಾರಿಕೆ ವ್ಯವಹಾರಗಳಲ್ಲಿ ಜಾಗ್ರತೆ ಅಗತ್ಯ. ವಿದೇಶ ಯೋಗವಿದ್ದು, ವಿದೇಶದಲ್ಲಿ ಇರುವವರು ಉದ್ಯೋಗ ಬದಲಾವಣೆ ಕುರಿತು ಚಿಂತನೆ ಮಾಡಬಹುದು.

ವೃಶ್ಚಿಕ ರಾಶಿ ಭವಿಷ್ಯ: ಖರ್ಚಿನ ಒತ್ತಡದಲ್ಲೂ ಅವಕಾಶಗಳ ಬೆಳಕು

ವೃಶ್ಚಿಕ ರಾಶಿಯವರಿಗೆ ಈ ಅವಧಿಯಲ್ಲಿ ಆದಾಯಕ್ಕಿಂತ ಖರ್ಚು ಹೆಚ್ಚು ಇರುವ ಸ್ಥಿತಿ ಕಂಡುಬರುತ್ತದೆ (ಆದಾಯ 2 ಇದ್ದರೆ ವ್ಯಯ 11ರಷ್ಟು). ಆದ್ದರಿಂದ ಅನಾವಶ್ಯಕ ಖರ್ಚುಗಳನ್ನು ತಪ್ಪಿಸಿ, ಅಗತ್ಯವಿರುವಾಗ ಮಾತ್ರ ಹಣ ವ್ಯಯಿಸುವುದು ಒಳಿತು. ಆರೋಗ್ಯದ ದೃಷ್ಟಿಯಿಂದ ಸ್ಥಿತಿ ಉತ್ತಮವಾಗಿದ್ದರೂ, ಹೊಟ್ಟೆ ಸಂಬಂಧಿತ ಸಮಸ್ಯೆಗಳು ಕಾಡುವ ಸಾಧ್ಯತೆ ಇದೆ. ಜನಪ್ರತಿನಿಧಿಗಳು ಹಾಗೂ ಸಮಾಜಸೇವಕರಿಗೆ ಸಮಾಜದಲ್ಲಿ ಉತ್ತಮ ಗೌರವ ಲಭಿಸುತ್ತದೆ. ದಂಪತಿಗಳು ಸುಖ-ದುಃಖಗಳನ್ನು ಸಮನಾಗಿ ಸ್ವೀಕರಿಸುವ ಮನೋಭಾವ ಹೊಂದಿದರೆ ಉತ್ತಮ. ಮೂರನೇ ವ್ಯಕ್ತಿಗಳ ಹಸ್ತಕ್ಷೇಪದಿಂದ ಕುಟುಂಬದಲ್ಲಿ ಕಲಹ ಉಂಟಾಗುವ ಸಾಧ್ಯತೆ ಇದೆ, ಆದ್ದರಿಂದ ಜಾಗ್ರತೆ ಅಗತ್ಯ. ಉದ್ಯೋಗ ಕ್ಷೇತ್ರದಲ್ಲಿ ಕಿರಿಕಿರಿ ಮುಂದುವರಿಯುವ ಸೂಚನೆಗಳಿವೆ, ಅದನ್ನು ನಿಯಂತ್ರಣದಲ್ಲಿಡಲು ಶಾಂತದಿಂದ ನಡೆದುಕೊಳ್ಳಬೇಕು. ವ್ಯಾಪಾರ ವಹಿವಾಟುಗಳಲ್ಲಿ ಹಣ ಹೂಡಿಕೆ ಮಾಡುವಾಗ ನಿಯಂತ್ರಣ ಇರಲಿ. ಗುರು ದಶೆ ಹೊಂದಿರುವವರಿಗೆ ಮದುವೆ ಯೋಗ ಹಾಗೂ ಉತ್ತಮ ಉದ್ಯೋಗ ಸಿಗುವ ಸಾಧ್ಯತೆ ಇದೆ. ದಂಪತಿಗಳಿಗೆ ಸಂತಾನ ಭಾಗ್ಯ ದೊರೆಯಬಹುದು. ದೀರ್ಘಕಾಲದ ಕಾಯಿಲೆಗಳಿಂದ ಮುಕ್ತಿ ಹಾಗೂ ಸಾಲದಿಂದ ಬಿಡುಗಡೆ ಸಿಗುವ ಕಾಲ ಸಮೀಪಿಸಿದೆ. ಪ್ರೇಮಿಗಳ ಮದುವೆ ಸಾಧ್ಯವಾಗುತ್ತದೆ. ಕೃಷಿ ಭೂಮಿ ಅಥವಾ ಕಟ್ಟಿದ ಮನೆ ಖರೀದಿಸುವ ಯೋಗವಿದೆ. ಗುತ್ತಿಗೆದಾರರು ಹೊಸ ಯೋಜನೆಗಳನ್ನು ಆರಂಭಿಸುವರು ಮತ್ತು ಸರ್ಕಾರದಿಂದ ಬಾಕಿ ಹಣ ವಸೂಲಿ ಸಾಧ್ಯತೆ ಇದೆ. ಕೃಷಿ ಯಂತ್ರೋಪಕರಣಗಳು, ವೈದ್ಯಕೀಯ ಸಾಧನಗಳು, ಗೊಬ್ಬರ ಹಾಗೂ ಕೀಟನಾಶಕಗಳ ವ್ಯಾಪಾರಿಗಳಿಗೆ ಉತ್ತಮ ಲಾಭ ದೊರೆಯಲಿದೆ. ಲೇಖಕರಿಗೆ ಪ್ರಶಸ್ತಿ ಯೋಗವಿದ್ದು, ಕಲಾವಿದರಿಗೆ ಉತ್ತಮ ವೇದಿಕೆ ಸಿಗಲಿದೆ. ಒಟ್ಟಾರೆ, ಖರ್ಚುಗಳ ಮೇಲೆ ನಿಯಂತ್ರಣ ಮತ್ತು ಆರೋಗ್ಯದ ಕಡೆ ಗಮನ ಕೊಟ್ಟರೆ ಈ ಅವಧಿ ಉತ್ತಮ ಫಲಿತಾಂಶಗಳನ್ನು ನೀಡಲಿದೆ.

ಧನಸ್ಸು ರಾಶಿ ಭವಿಷ್ಯ: ಸಮತೋಲನದ ನಡುವೆ ಬೆಳವಣಿಗೆ

ಧನಸ್ಸು ರಾಶಿಯವರಿಗೆ ಈ ಅವಧಿಯಲ್ಲಿ ಆದಾಯ ಮತ್ತು ವ್ಯಯ ಸಮಪ್ರಮಾಣದಲ್ಲಿ ಸಾಗಲಿದ್ದು, ಹಣಕಾಸಿನ ಸ್ಥಿತಿ ಸ್ಥಿರವಾಗಿರುತ್ತದೆ. ಕುಟುಂಬದ ಅಗತ್ಯಗಳಿಗಾಗಿ ಹೆಚ್ಚುವರಿ ಖರ್ಚು ಎದುರಾಗಬಹುದು. ಆರೋಗ್ಯದ ಸ್ಥಿತಿ ಮಧ್ಯಮವಾಗಿದ್ದು, ಸ್ವಲ್ಪ ಕಾಳಜಿ ಅಗತ್ಯ. ಜನಪ್ರತಿನಿಧಿಗಳು ಮತ್ತು ಸಮಾಜಸೇವಕರಿಗೆ ಸಮಾಜದಲ್ಲಿ ಹೆಚ್ಚಿನ ಗೌರವ ದೊರೆಯಲಿದೆ. ನಿಮ್ಮ ಸೇವೆಯನ್ನು ಗುರುತಿಸಿ ಉನ್ನತ ಸ್ಥಾನಮಾನ ಅಥವಾ ಪದವಿ ಸಿಗುವ ಸಾಧ್ಯತೆ ಇದೆ. ಆದರೆ ಹಿತೈಷಿಗಳಿಂದಲೇ ಕೆಲವೊಮ್ಮೆ ಅಡಚಣೆಗಳು ಎದುರಾಗುವ ಸಾಧ್ಯತೆ ಇರುವುದರಿಂದ ಜಾಗ್ರತೆ ಅಗತ್ಯ. ದಂಪತಿಗಳ ಜೀವನದಲ್ಲಿ ಹಳೆಯ ಸಮಸ್ಯೆಗಳು ಪರಿಹಾರವಾಗಿ ಶಾಂತಿ ನೆಲೆಸುತ್ತದೆ. ಕುಟುಂಬ ಸದಸ್ಯರೊಂದಿಗೆ ಹೊಂದಾಣಿಕೆ ಉತ್ತಮವಾಗಿರುತ್ತದೆ. ಮದುವೆ ಯೋಚನೆ ಮಾಡುವವರಿಗೆ ಒಳ್ಳೆಯ ಸಂಗಾತಿ ದೊರೆಯುವ ಸಾಧ್ಯತೆ ಇದೆ. ವ್ಯಾಪಾರಸ್ಥರಿಗೆ ಹಣಕಾಸಿನ ವಿಷಯದಲ್ಲಿ ಸ್ವಲ್ಪ ಮಟ್ಟಿನ ಪ್ರಗತಿ ಕಂಡುಬರುತ್ತದೆ. ಸಿದ್ದ ಉಡುಪು ವ್ಯಾಪಾರಿಗಳಿಗೆ ಅನುಕೂಲಕರ ಸಮಯ. ಉದ್ಯೋಗದಲ್ಲಿರುವವರು ಯಾರನ್ನೂ ಅತಿಯಾಗಿ ನಂಬಬಾರದು ಮತ್ತು ಜಾಮೀನು ನೀಡುವುದನ್ನು ತಪ್ಪಿಸಬೇಕು. ಮಾಲಕರಿಗೆ ಕಾರ್ಮಿಕರ ಕೊರತೆ ಎದುರಾಗಬಹುದು, ಇದರಿಂದ ಕೆಲವೊಮ್ಮೆ ಮನಸ್ತಾಪ ಉಂಟಾಗಬಹುದು. ಆದರೂ ಶಾಂತದಿಂದ ನಿರ್ವಹಿಸುವುದು ಒಳಿತು. ಉದ್ಯೋಗರಹಿತರಿಗೆ ಉದ್ಯೋಗ ದೊರೆಯುವ ಸಾಧ್ಯತೆ ಇದೆ. ಮಕ್ಕಳಿಂದ ಹೆಚ್ಚಿನ ಆದಾಯ ಸಿಗುವ ಮೂಲಕ ಮನೆಯ ಆರ್ಥಿಕ ಸ್ಥಿತಿ ಸುಧಾರಿಸುತ್ತದೆ. ಸಂತಾನ ಇಲ್ಲದವರಿಗೆ ಸಂತಾನ ಭಾಗ್ಯ ದೊರೆಯುವ ಸೂಚನೆಗಳಿವೆ. ಪ್ರೇಮಿಗಳಿಗೆ ಹಿರಿಯರಿಂದ ಮದುವೆಗೆ ಅನುಮೋದನೆ ಸಿಗುವ ಸಾಧ್ಯತೆ ಇದೆ. ಬಹು ವರ್ಷಗಳ ನಂತರ ದಂಪತಿಗಳಿಗೆ ಸಂತಾನ ಸಂತೋಷ ಲಭಿಸುವ ಯೋಗವಿದ್ದು, ಇದು ಕುಟುಂಬದಲ್ಲಿ ಹರ್ಷದ ವಾತಾವರಣವನ್ನು ಸೃಷ್ಟಿಸುತ್ತದೆ.

ಮಕರ ರಾಶಿ ಭವಿಷ್ಯ: ಕಷ್ಟಗಳ ನಂತರ ಸುಧಾರಣೆಯ ಹಾದಿ

ಮಕರ ರಾಶಿಯವರಿಗೆ ಈ ಅವಧಿಯಲ್ಲಿ ಆದಾಯಕ್ಕಿಂತ ವ್ಯಯ ಹೆಚ್ಚು (ಆದಾಯ 8, ವ್ಯಯ 14) ಇರುವುದರಿಂದ ಹಣಕಾಸಿನ ಒತ್ತಡ ಹೆಚ್ಚಾಗಬಹುದು. ಆರೋಗ್ಯದ ವಿಚಾರದಲ್ಲಿ ಹೆಚ್ಚಿನ ಪ್ರಗತಿ ಕಾಣಿಸದಿದ್ದು, ಕೆಲವರಿಗೆ ಶಸ್ತ್ರಚಿಕಿತ್ಸೆಗೆ ಹೆಚ್ಚಿನ ಖರ್ಚು ಎದುರಾಗುವ ಸಾಧ್ಯತೆ ಇದೆ. ಸಾಲಕ್ಕಾಗಿ ಓಡಾಟ ಹೆಚ್ಚಾಗಬಹುದು. ಉದ್ಯೋಗ ಕ್ಷೇತ್ರದಲ್ಲಿ ಅಪವಾದಗಳು ಎದುರಾಗುವ ಸಾಧ್ಯತೆ ಇರುವುದರಿಂದ ಜಾಗ್ರತೆ ಅಗತ್ಯ. ದಂಪತಿಗಳು ಸುಖ–ದುಃಖಗಳನ್ನು ಸಮಾನವಾಗಿ ಸ್ವೀಕರಿಸಿದರೆ ಜೀವನದಲ್ಲಿ ಸಮತೋಲನ ಕಾಪಾಡಿಕೊಳ್ಳಬಹುದು. ಇಷ್ಟು ದಿನ ಕಾಡುತ್ತಿದ್ದ ಸಾಡೇ ಸಾತಿ ಶನಿಯ ಪ್ರಭಾವದಿಂದ ನಿಧಾನವಾಗಿ ಮುಕ್ತಿ ದೊರೆಯುತ್ತಿದ್ದು, ದೀರ್ಘಕಾಲದ ಸಮಸ್ಯೆಗಳು ಹಂತ ಹಂತವಾಗಿ ಪರಿಹಾರವಾಗುತ್ತವೆ. ಗುತ್ತಿಗೆದಾರರಿಗೆ ಹೊಸ ಟೆಂಡರ್‌ಗಳ ಅವಕಾಶ ದೊರೆಯಲಿದೆ. ಪತಿ–ಪತ್ನಿಯ ನಡುವೆ ಪುನರ್ಮಿಲನದಿಂದ ಸಂತೋಷದ ಕ್ಷಣಗಳು ಎದುರಾಗುತ್ತವೆ. ಆಸ್ತಿ ಖರೀದಿಸುವ ಯೋಗವಿದ್ದು, ಪ್ರೇಮಿಗಳಿಗೆ ಇಷ್ಟಾರ್ಥಗಳು ನೆರವೇರುವ ಸಮಯ ಬಂದಿದೆ. ನಿಮ್ಮ ಪ್ರಗತಿಯನ್ನು ನೋಡಿ ಶತ್ರುಗಳಲ್ಲಿ ಅಸೂಯೆ ಹೆಚ್ಚಾಗಬಹುದು. ಉದ್ಯೋಗದಲ್ಲಿ ಧನಲಾಭ ಇದ್ದರೂ ಸಹೋದ್ಯೋಗಿಗಳ ಬಗ್ಗೆ ಎಚ್ಚರಿಕೆ ಇರಲಿ. ಕೋರ್ಟ್–ಕಚೇರಿ ವಿಚಾರಗಳಲ್ಲಿ ಜಯದ ದಾರಿ ಸುಗಮವಾಗುತ್ತದೆ. ವ್ಯಾಪಾರದಲ್ಲಿ ಅಜಾಗ್ರತೆಯಿಂದ ನಷ್ಟ ಸಂಭವಿಸಬಹುದು, ಆದ್ದರಿಂದ ಗಮನ ವಹಿಸುವುದು ಅತ್ಯವಶ್ಯಕ. ಮಕ್ಕಳಿಂದ ನಿರೀಕ್ಷಿಸಿದ ಮಟ್ಟದ ಪ್ರಗತಿ ಕಾಣಿಸದಿರುವುದು ಸ್ವಲ್ಪ ನಿರಾಶೆ ತರಬಹುದು. ಗ್ಯಾರೇಜ್ ವೃತ್ತಿ, ಹೈನುಗಾರಿಕೆ, ಗಾರ್ಮೆಂಟ್ಸ್ ಹಾಗೂ ದಿನಸಿ ವ್ಯಾಪಾರಿಗಳಿಗೆ ಉತ್ತಮ ಲಾಭದ ಸೂಚನೆಗಳಿವೆ. ಕೆಲವರು ಹೊಸ ಅಂಗಡಿ ಪ್ರಾರಂಭಿಸುವ ಯೋಚನೆ ಮಾಡಬಹುದು. ನಿಮ್ಮ ಪ್ರಯತ್ನಗಳಿಗೆ ಉತ್ತಮ ಪ್ರತಿಕ್ರಿಯೆ ಸಿಗಲಿದೆ. ವಿಚ್ಛೇದನ ಹೊಂದಿದವರಿಗೆ ಮರುಮದುವೆಯ ಸಾಧ್ಯತೆ ಇದ್ದು, ಹೊಸ ಜೀವನದ ಆರಂಭಕ್ಕೆ ಅವಕಾಶ ದೊರೆಯಲಿದೆ.

ಕುಂಭ ರಾಶಿ ಭವಿಷ್ಯ: ತಾಳ್ಮೆ ಮತ್ತು ಜಾಗ್ರತೆಯ ಅವಧಿ

ಕುಂಭ ರಾಶಿಯವರಿಗೆ ಈ ಅವಧಿಯಲ್ಲಿ ಆದಾಯ ಎಂಟಾದರೆ ವ್ಯಯ 14ರಷ್ಟಿರುತ್ತಿದ್ದು, ಖರ್ಚುಗಳಲ್ಲಿ ಎಚ್ಚರಿಕೆ ಅಗತ್ಯ. ಆರೋಗ್ಯ ಮಧ್ಯಮವಾಗಿದ್ದು, ಪದೇ ಪದೇ ಸಣ್ಣ ಅನಾರೋಗ್ಯಗಳು ಕಾಣಿಸಬಹುದು. ಉನ್ನತ ಸ್ಥಾನದಲ್ಲಿರುವವರಿಗೆ ಗೌರವ ಲಭ್ಯ. ದಂಪತಿಗಳ ಜೀವನದಲ್ಲಿ ಸುಖ ಹೆಚ್ಚು, ದುಃಖ ಕಡಿಮೆ. ಮಾಡುವ ಕೆಲಸಗಳಲ್ಲಿ ಯಶಸ್ಸು ನಿಮ್ಮದಾಗಲಿದೆ. ಕುಟುಂಬದ ಯಜಮಾನರಿಂದ ಆಸ್ತಿ ಪಾಲು ದೊರೆಯುವ ಸಾಧ್ಯತೆ ಇದೆ. ರಾಜಕಾರಣಿಗಳು ಮತ್ತು ಸಂಘ ಸಂಸ್ಥೆಗಳ ಸದಸ್ಯರಿಗೆ ಉನ್ನತ ಸ್ಥಾನಮಾನ ಅಥವಾ ಪದವಿ ಸಿಗುವ ಭಾಗ್ಯವಿದೆ. ವ್ಯಾಪಾರಸ್ಥರು ಬೇರೆ ಸ್ಥಳದಲ್ಲಿ ಹೊಸ ವ್ಯವಹಾರ ಪ್ರಾರಂಭಿಸುವ ಯೋಚನೆ ಮಾಡಬಹುದು; ಇದು ನಿರ್ಧಾರ ಸರಿ. ನಗರ ಪ್ರದೇಶದಲ್ಲಿ ವಾಣಿಜ್ಯ ಆಸ್ತಿ ಖರೀದಿಸಲು ಯೋಗವಿದೆ. ಸಾಡೇ ಸಾತಿ ಶನಿಯ ಕೊನೆಯ ಹಂತದಲ್ಲಿದ್ದರಿಂದ, ವ್ಯವಹಾರಗಳಲ್ಲಿ ತಾಳ್ಮೆಯಿಂದ ನಡೆದುಕೊಳ್ಳುವುದು ಮುಖ್ಯ. ಕೆಲಸದ ಸಂದರ್ಭಗಳಲ್ಲಿ ಏರುಪೇರುಗಳು ಸಂಭವಿಸಬಹುದು. ಉದ್ಯೋಗದಲ್ಲಿ ಬಡ್ತಿ ವಿಳಂಬ, ಮೇಲಾಧಿಕಾರಿಗಳಿಂದ ಕಿರುಕುಳ ಹೆಚ್ಚಾಗುವ ಸಂಭವ ಇದೆ. ಮದುವೆ ವಿಳಂಬವಾಗುವ ಸಾಧ್ಯತೆ ಇದೆ. ದಂಪತಿಗಳಿಗೆ ಗರ್ಭ ನಷ್ಟ ಸಂಭವಿಸಬಹುದು. ಬರಬೇಕಾದ ಹಣ ನಿಧಾನವಾಗಿ ದೊರೆಯುತ್ತದೆ. ಪ್ರೇಮಿಗಳಲ್ಲಿ ಸಣ್ಣ ಕಲಹಗಳು ಸಂಭವಿಸಬಹುದು, ಹಿರಿಯರಿಂದ ಮದುವೆಗೆ ವಿರೋಧ ಇರಬಹುದು. ದೊಡ್ಡ ಬಂಡವಾಳ ಹೂಡಿಕೆ ಈ ಸಮಯದಲ್ಲಿ ಸೂಕ್ತವಲ್ಲ. ಅರ್ಧಕ್ಕೆ ಕಟ್ಟಿದ ಮನೆ ಕೆಲಸವು ನಿಲ್ಲುವ ಸಾಧ್ಯತೆ ಇದೆ. ನವದಂಪತಿಗಳಿಗೆ ಕುಟುಂಬದಲ್ಲಿ ಕಲಹ ಮತ್ತು ಆಸ್ತಿ ಮಾರಾಟ ವಿಳಂಬ ಸಂಭವಿಸಬಹುದು. ಒಟ್ಟಾರೆ, ಈ ಸಮಯ ತಾಳ್ಮೆ, ಜಾಗ್ರತೆ ಮತ್ತು ನಿಧಾನ ಕ್ರಮದೊಂದಿಗೆ ನಿರ್ವಹಿಸಬೇಕು, ಹಿಂಬಾಲೆ ಅಥವಾ ಆದಾಯದ ದಾಳಿಯಿಂದ ತಪ್ಪಿಸಿಕೊಳ್ಳುವುದು ಮುಖ್ಯ.

ಮೀನ ರಾಶಿ ಭವಿಷ್ಯ: ಸ್ಥಿರತೆ ಮತ್ತು ಜಾಗ್ರತೆ ಅಗತ್ಯ

ಮೀನ ರಾಶಿಯವರಿಗೆ ಈ ಅವಧಿಯಲ್ಲಿ ಆದಾಯ ಮತ್ತು ವ್ಯಯ ಸಮವೇಗದಿಂದ ಸಾಗುತ್ತವೆ. ಆರೋಗ್ಯ ಮಿಶ್ರ ಫಲದಷ್ಟಿದ್ದು, ಕೆಲವುವರಿಗೆ ಶಸ್ತ್ರಚಿಕಿತ್ಸೆ ಅಗತ್ಯವಾಗಬಹುದು—ಶನಿ ಮತ್ತು ಗುರು ಪ್ರಭಾವದಿಂದ ಈ ಸಾಧ್ಯತೆ ಹೆಚ್ಚಾಗುತ್ತದೆ. ವ್ಯಾಪಾರದಲ್ಲಿ ಚೇತರಿಕೆ ಕಂಡುಬರುತ್ತದೆ, ವಿಶೇಷವಾಗಿ ಗೃಹ ಕಟ್ಟಡದ ಸಾಮಗ್ರಿ ಹಾಗೂ ಗಾರ್ಮೆಂಟ್ಸ್ ಉದ್ಯಮದಲ್ಲಿ ಉತ್ತಮ ಬೆಳವಣಿಗೆ. ಕೃಷಿ ಭೂಮಿ ಅಥವಾ ನಿವೇಶನ ಖರೀದಿಸಲು ಅನುಕೂಲಕರ ಸಮಯವಿದೆ. ಕೌಟುಂಬಿಕ ಜವಾಬ್ದಾರಿಗಳು ನಿಮ್ಮ ಮೇಲೆ ಹೆಚ್ಚು ಇರುವುದರಿಂದ ತಾಳ್ಮೆ ಮತ್ತು ಸಮತೋಲನ ಮುಖ್ಯ. ಧಾರ್ಮಿಕ ಸೇವೆ ಮಾಡುವವರಿಗೆ ಕೆಲವರಿಗೆ ಅಪಮಾನ ಎದುರಾಗಬಹುದು, ಇದರಿಂದ ಮನಸ್ಸು ತಣ್ಣನೆಯಾಗುವುದಿಲ್ಲ. ಅನಾವಶ್ಯಕ ಖರ್ಚುಗಳನ್ನು ತಪ್ಪಿಸಿ, ಯಾರೊಂದಿಗೆ ವಾದ–ವಿವಾದಗಳಲ್ಲಿ ಒಳಗಾಗಬೇಡಿ, ಇಲ್ಲವಾದರೆ ಸಮಸ್ಯೆ ಮೂಡಬಹುದು. ಕೋರ್ಟ್ ಅಥವಾ ಕಚೇರಿ ಸಂಬಂಧಿತ ಕೆಲಸಗಳಲ್ಲಿ ವಿಳಂಬ ಸಂಭವಿಸಬಹುದು, ಆಸ್ತಿ ಮಾರಾಟದಲ್ಲಿ ಕಾನೂನು ತೊಂದರೆ ಎದುರಾಗುವ ಸಾಧ್ಯತೆ ಇದೆ. ಮದ್ಯಸ್ತಿಕೆ ಜನರಿಂದ ದಂಪತಿಗಳಿಗೆ ತೊಂದರೆಗಳು ಸಂಭವಿಸಬಹುದು. ಸಂತಾನ ವಿಳಂಬ, ಮದುವೆ ವಿಳಂಬದ ಸಮಯಗಳು ಎದುರಾಗಬಹುದು, ವಿಶೇಷವಾಗಿ ವಯಸ್ಸು ಮೀರುವವರಿಗೆ. ಇದನ್ನು ಶಾಂತಿಯಿಂದ ನಿರ್ವಹಿಸುವುದು ಉತ್ತಮ. ವಿದೇಶ ಪ್ರವಾಸ ಕನಸು ಈ ಸಮಯದಲ್ಲಿ ತಡವಾಗಿ ನಿಭಾಯಿಸಬಹುದು. ಸದ್ಯಕ್ಕೆ ಉದ್ಯೋಗ ಬದಲಾವಣೆ ಅಥವಾ ದೊಡ್ಡ ಬಂಡವಾಳ ಹೂಡಿಕೆ ಮಾಡುವುದು ಸೂಕ್ತವಲ್ಲ. ಉದ್ಯೋಗ ಕ್ಷೇತ್ರದಲ್ಲಿ ಕಿರಿಕಿರಿ ಮುಂದುವರಿಯುವ ಸಾಧ್ಯತೆ ಇದೆ, ಮಹಿಳೆಯರಿಗೆ ಹೆಚ್ಚು ಕಿರಿಕಿರಿ ಸಂಭವಿಸಬಹುದು. ಇಷ್ಟಪಟ್ಟವರು ನಿಮ್ಮಿಂದ ದೂರವಾಗುವ ಸಾಧ್ಯತೆ ಇದೆ; ಆದ್ದರಿಂದ ಸಂಬಂಧಗಳಲ್ಲಿ ಎಚ್ಚರಿಕೆ ವಹಿಸಬೇಕು.  ಸ್ಥಿರತೆ, ಜಾಗ್ರತೆ, ಹಾಗೂ ತಾಳ್ಮೆ ಈ ಸಮಯದಲ್ಲಿ ಯಶಸ್ಸಿನ ಮುಖ್ಯ ಮಾರ್ಗ.

ತಕ್ಷಣ ನಿಮ್ಮ ಜಿಲ್ಲೆಯ ತಾಜಾ ಸುದ್ಧಿಗಳನ್ನು ಓದಲು ಮತ್ತು ವೀಕ್ಷಿಸಲು ಕೆಳಗಿನ👇🏻 ವಾಟ್ಸಪ್ ಮತ್ತು ಟೆಲಿಗ್ರಾಂ ಗ್ರೂಪ್‌ಗಳನ್ನು ಬಳಸಿ.

Join WhatsApp Group

Join Telegram Group

ಸೋಮವಾರದ ರಾಶಿ ಭವಿಷ್ಯ 30 ಮಾರ್ಚ್ 2026

ಮೇಷ ರಾಶಿ 

ಮೇಷ ರಾಶಿಯವರಿಗೆ ಓದನ್ನು ಮುಂದುವರಿಸಿ